எரிசக்தி அமைச்சர் பொறியியலாளர் குமார ஜயக்கொடி நேற்று (01) கொலன்னாவ எண்ணெய் சேமிப்பு முனையத்தின் கண்காணிப்பு விஜயத்தில் ஈடுபட்டதுடன், தூய்மை இலங்கை (Clean Sri Lanka)தேசிய வேலைத்திட்டத்தின் அங்குரார்ப்பண நிகழ்விலும் கலந்துகொண்டார். அங்கு ஒன்றுகூடிய தொழிலாளர்களிடம் அமைச்சர் கலந்துரையாடினார்.
மேலும்,ஒரு நாட்டின் வளர்ச்சிக்கு எரிசக்தி துறையின் வளர்ச்சி மற்றும் ஸ்திரத்தன்மை மிகவும் முக்கியமானது. எரிசக்தித் துறையானது அரசாங்க உடமையின் நேரடிக் கட்டுப்பாட்டு அதிகாரத்தின் கீழ் இருக்க வேண்டும் என எமது அரசாங்கம் எதிர்பார்க்கிறது.
முன்னதாக, எரிசக்தி துறையில் அரசாங்கத்தின் உரிமையை மாற்றுவதற்கு அரசாங்கம் முயற்சித்தபோது, நாங்கள் அதை எதிர்த்து நின்று போராடியது மட்டுமல்லாமல், அந்த சித்தாந்தத்தையும் இழந்தோம்.
தூய்மையான இலங்கை தேசிய வேலைத்திட்டத்தின் பரந்த நோக்கங்களை நாம் புரிந்து கொள்ள வேண்டும். திருட்டு, வீண்விரயம் மற்றும் ஊழலை தடுத்தல் ஆகியவை அந்த பரந்த நோக்கங்களில் அடங்கும். இதன் காரணமாகவே இன்று ஆரம்பிக்கப்பட்ட தூய்மையான இலங்கை தேசிய வேலைத்திட்டம் விசேடமானது எனவும், அதன் ஆரம்ப விழா நாளாக இன்றைய தினம் மிகவும் சிறப்பான நாளாக அமையும் எனவும் அவர் மேலும் தெரிவித்தார்.
இதன்போது, இலங்கை எண்ணெய் கூட்டுத்தாபனத்தின் தலைவர் டி.ஜே.ஏ.எஸ். டி.எஸ்.ராஜகருணா முகாமைத்துவப் பணிப்பாளர் மயூர நெத்திகுமாரகே மற்றும் உயர் அதிகாரிகள் பலரும் கலந்துகொண்டனர்.
